کوئٹہ۔ 24جنوری (اے پی پی) کوہلو جان جوڑ راسے نا جوڑ کننگ کن گوازی تا اڈتننگ المی ءِ بلوچستان نا ورناک تعلیم تون اوار اوار گوازی تے ٹی بشخ ہلسا صوبہ و ملک انا پن ءِ روشنا کننگ نا کوشست کیر پاکستان تحریک انصاف نا وژن اٹی ورناتے مون آ اتنگ و ملک انا شونداری ٹی کڑد ادا کننگ کن وارخواہی تننگ اہم اولیت ءِ ۔ داخیال آتا درشانی ءِ صوبائی وزیر جان جوڑی میر نصیب اللہ خان مری تدوک آدے تینا حلقہ کوہلو ٹی اولیکو آل بلوچستان سپورٹس فیسٹیول نا بنائی پروگرام نا وخت آ کرے۔ صوبائی وزیر جان جوڑی نا مستی پاننگ ئس کہ وزیراعلیٰ بلوچستان نا کوشست آتیان زوت بلوچستان اٹی اسہ بھلو فیسیٹیول اس اڈ ایتنہ تانکہ ورناک ڈوہ و ایلو گندہ ہی تا جاگہ غا گوازی تا کنڈا برسا پڑتے آباد کیر، ننا قائد عمران خان ہم گوازی ٹی بھاز است خواہی تخک و او مدام ہرفک کہ صوبہ ٹی گوازی تا بابت انت پروگرام اس ترتیب تننگانے ، شہدا ء مارواڑ نا پن اٹ اسہ فیسٹیول اس زوت اڈ ایتنہ سپورٹس کمپلیکس کوہلو نا انکواری چلینگ انگ ءِ کہ سپورٹس نا پیسہ غاک ہراڑے خڑچ مسنو کوہلو تون اوار بلوچستان نا ورناک گوازی تا پڑاٹ کس اسے آن کم افس داجاگہ نا ورناتے ٹی بھلو ٹیلنٹ اس خنانن انشاء اللہ بلوچستان اٹی گوازی تا پڑ ءِ آباد کینہ۔
