اسلام آباد۔ 24جنوری (اے پی پی) وزارت ڈٹ بندی و اصلاحات سرکاری بشخ انا شونداری پروگرام تے ٹی انفارمیشن اینڈ براڈ کاسٹنگ ڈویژن نا شونداری کاریم تے کن جم وڑاٹ داوخت اسکان 8 کروڑ 51لکھ روپئی نا فنڈ جاری کرینے، حکومت دا ڈویژن نا شونداری کاریم تے کن اینخو نا مالی سال اٹی 54کروڑ 89 لکھ روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پی ٹی وی ٹی پروڈکشن نا ازباب آتا فراوانی کن 4کروڑ، پیمرا ٹی ادارہ جاتی اصلاحات کن 34لکھ، مظفر آباد آزاد جموں و کشمیر اٹی میڈیم و ئیو سروسز کن اسہ کروڑ 60 لکھ، صوت القرآن ایف ایم نیٹ ورک انا جوڑ کننگ کن 80 لکھ روپئی تون اوار چندی شونداری پروگرام تے کن فنڈ جاری کرینے۔
