اسلام آباد۔ 24جنوری (اے پی پی) وزارت ڈٹ بندی و اصلاحات سرکاری بشخ انا شونداری پروگرام تے ٹی ہاؤسنگ اینڈ ورکس ڈویژن نا شونداری کاریم تے کن جم وڑاٹ داوخت اسکان اسہ ارب 88 کروڑ 53لکھ روپئی نا فنڈ جاری کرینے، حکومت داڈویژن نا شونداری کاریم تے کن اینخو مالی سال اٹی 5ارب 35کروڑ روپئی نا فنڈ جتا کرینے۔ پلاننگ کمیشن نا جاری کروک حساب وکتاب نار داٹ حکومت موسیٰ خیل تونسہ روڈ اکن 20 کروڑ، چمبہ ہاؤس لاہور نا بحالی کن 24لکھ، سوہاوہ چکوال روڈ اکن 76کروڑ، مندرہ چکوال روڈ اکن 30 کروڑ 84لکھ، ضلع مانسہرہ ٹی شونداری کاریم تے کن 8 کروڑ 13لکھ، نیو سیکرٹریٹ اسلام آباداٹی شونداری کاریم تے کن 9 کروڑ 93لکھ، نیب ہیڈ کوارٹر اٹی شونداری کاریم تے کن 79 لکھ، نیب لاہورکمپلیکس اٹی شونداری کاریم تے کن 4کروڑ، آڈٹ کمپلیکس پشاور اٹی شونداری کاریم تے کن اسہ کروڑ 21لکھ روپئی تون اوار چندی شونداری ڈٹ آتے کن فنڈ جاری کرینے۔
