راولپنڈی۔ 23 جنوری (اے پی پی) پاک اُرد ءِ سروک جنرل قمر جاوید باجوہ ءَ گوں سعودی آرمڈ فورسز ءِ چیف آف جنرل سٹاف ،جنرل فیاد بن حمید الروالی ءِ سروکی ءَ رائل سعودی اُرد ءِ ڈل ءَ گند ءُُ نند کت ایشی ءِ تہ ءَ جیو سٹریٹجک جاور ھال ءُُ دو نیمگی دیمپانی کمکی کار آنی سر ءَ باست ءُُ واست کنگ بوت۔ پاک اُرد ءِ شوبگ (آئی ایس پی آر ) ءِ رد ءَ رائل سعودی اُرد ءِ دل ءَ چار شمبے ءَ جی ایچ کیو راولپنڈی ءِ تر ءُُ تاب کت آھودا آرمی چیف جنرل قمر جاوید باجوہ ءَ گوں گند ءُُ نند کت۔ سعودی آرمڈ فورسز ءِ چیف آف جنرل سٹاف ،جنرل فیاد بن حمید الروالی ءَ رائل سعودی اُرد ءَ سعودی عرب ءُُ پاکستان ءَ ھیل کاری ءِ ھوالگ ءَ پاک اُرد ءِ کمک آنی شگر ءُُ منت گپت۔ آئی ءَ پاک اُرد ءِ کزبی ازمکاری آناں ساڑات۔ پاک اُرد ءِ سروک جنرل قمر جاوید باجوہ ءَ سعودی آرمڈ فورسز ءِ چیف آف جنرل سٹاف ءِ سروکی ءَ ڈل ءَ را وش اتک کنان ءَ آئی ءِ شگر ءُُ منت گپت ءُُ گوشت کہ پاک اُرد ایشرا وتی زمہ واری پھم اِت کہ رائل سعودی آرمی ءِ کزبی کار آنی ودینگ ءِ واستہ وتی سرجمیں ءُُ برجمیں کمک ءَ بہ پجارین ایت۔ ایشی ءَ چہ پیسر سعودی آرمڈ فورسز ءِ چیف آف جنرل سٹاف ءِ سروکی ءَ ڈل ءَ جی ایچ کیو راولپنڈی ءَ پج اِت گڈا پاک اُرد ءِ ورنا آں آواناں سلامی دات۔ ڈل ءَ جی ایچ کیو ءَ یاتگیریں شہید آنی سر ءَ ھازری ھم دات۔
