اسلام آباد۔ 23 جنوری (اے پی پی) وزیر ھزانگ اسد عمر ءَ ملک ءَ معاشی، اقتصادی، کشت ءُُ کشاری ءُُ صنعتی برجائی ءِ واستہ ’’ضمنی مالیاتی‘‘ (دومی مٹ ءُُ بدلی ) بل 2019 راجی اسمبلی ءَ پیش کت آئی ءَ راج ءَ را دل یکیمی دات کہ حکومت ءِ نیمگ ءَ اے نوکیں بجٹ ءِ نہ اِنت ایش یک کسانوکیں پیکیج اِنت ایشی ءَ چہ ملکی معیشت، کشت ءُُ کشاری ءُُ صنعتی شوبگ ءَ برجائی کئیت، ما راستیں دیمروئی ءِ واستہ ملک ءَ سرمایہ کاری ءُُ راجی بُن پد آناں دیمروئی دیگ لوٹ ایت، مئے گامگیج ءَ چہ 2022/23 ءَ کرنٹ اکاؤنٹ ءُُ مالیاتی کمیگ تاریخ ءِ دُرستاں چہ جھل تریں تک ءَ بنت، ورنا آناں روزگار ءِ در جنگ ، کشت ءُُ کشاری ءُُ کسانیں گس آنی جوڑیشت ءِ واستہ وام آنی سر ءَ ٹیکس ءِ کساس 39 درسد ءَ چہ 20 درسد کنگ بوھگ ءَ انت، گریب آنی واستہ لوگ ءِ جوڑ کنگ ءِ واستہ 5ارب ءِ ریوالونگ فنڈ گیشینگ بیت، فائلر آنی واستہ بنک ءَ چہ زرّ ءِ در کنگ ءِ سر ءَ ود ہولڈنگ ٹیکس ءِ کساس ءَ را سرجمی ءَ ھلاس کنگ بوھگ ءَ اِنت، گرین فیلڈ منصوبگ آنی پلانٹ ءُُ مشینری ءِ سر ءَ سرجمیں کسٹم ڈیوٹی ءُُ ٹیکس ءَ چہ شید ءُُ بید کنگ بیت، تاجر آنی بزنس اکاؤنٹس ءِ سر ءَ سال ءِ تہ ءَ 12رند ءَ ہولڈنگ ٹیکس ءِ کاگد جم کنگ ءِ مٹ ءَ نوں سال ءَ ایوک ءَ دو رند ءَ جم کنگ بیت، کسانیں ’’میریج ھال‘‘ آنی سرءَ ٹیکس 20ہزار ءَ چہ کم کنگ ءُُ 5ہزار کنگ بوھگ ءَ انت، 1300 سی سی گاڑی نان فائلر ھم بھا زرت کنت پدا ھم 1800سی سی ءُُ ایشی ءَ چہ گیش ءِ گاڑی ءِ سر ءَ ٹیکس ءِ کساس گیش کنگ بوھگ ءَ انت، ھمے رنگ ءَ گریب آنی دست ءَ کارمرد بوھوکیں موبائل فون ءِ س ءَ ٹیکس کم وھدیکہ امیر آنی دست ءَ کارمرد بوھوکیں موبائل فون ءِ ٹیکس ءَ پیسرے رنگ ءَ جاڑی دارگ بوھگ ءَ انت، دھکان آناں توان ءُُ ڈیزل سستائیں پجارین آں، ملک ءَ امیر ءُُ گریب آنی نیام ءَ پرک ءَ را کم کنگ ءِ واستہ آیوکیں ھپتگ ءَ میڈیم ٹرم فریم ورک ءِ جار جنگ بیت۔
