اسلام آباد ۔ 23 جنوری (اے پی پی) بنجاھی وزیر دیمپانی پیداوار بانک زبیدہ جلال ءَ گوں چین ءِ سفیر یاؤ جنگ ءَ گند ءُُ نند کت۔ بنجاھی وزیر زبیدہ جلال ءَ دیمپانی کمک ءِ شوبگ ءَ پاک چین کمک ءِ سر ءَ دل یکیمی ءِ درشان کت۔ چین ءِ سفیر یاؤ جنگ ءَ بنجاھی وزیر دیمپانی پیداوار ءَ را وزارت دیمپانی پیداوار ءِ زمہ واری آنی کوپگ ءَ کنگ ءِ پد ءَ مبارک بات دات۔ بنجاھی وزیر بانک زبیدہ جلال ءَ گوشت کہ پاکستان ءُُ چین ءِ نیام ءَ دیمپانی کمک پڑ ءَ ایمنی ءُُ برجائی ءِ واستہ المی اِنت۔ آئی ءَ گوشت کہ سی پیک کہ سرجمیں ملک ءِ واستہ ارزشتی انت ھمے بلوچستان ءِ دیمروئی ءِ واستہ سک باز ارزشتی ایں منصوبگ اِت۔ بنجاھی وزیر ءَ پاکستان ءُ ُ چین ءِ نیام ءَ کمک آناں گیش ودینگ ءِ ضلورت ءِ سر ءَ زور دیان ءَ گوشت کہ سی پیک ءَ چہ آیوکیں باھند سیت زرت کن اَنت۔ بنجاھی وزیر ءَ چاگردی شوبگ ءَ ھوار بلوچستان ءَ جان سلامتی ءُُ زانشتی دیمروئی ءِ واستہ پاکستان ءُُ چین ءِ نیام ءَ کمک ءَ را گیش ودینگ ءِ ضلورت ءِ سر ءَ زور داتگ۔
