اسلام آباد۔ 23جنوری (اے پی پی) پاک بحریہ نا سروک ایڈمرل ظفر محمود عباسی بحرین نا دورہ ٹی بحرین ڈیفنس فورس آتا کمانڈران چیف و کمانڈر یو ایس نیول فورس سینٹرل کمانڈ و کمانڈر کمبائنڈ ٹاسک فورس اتون ہم اوڑدہی کرے ہراٹی کسبی معاملہ و تین پہ تینی بحری اشتراک آ گپ و تران کننگا۔ ترجمان پاک بحریہ نا رداٹ نیول چیف دہشت گردی نا برخلاف جنگ اٹی پاکستان نا عزم و کارکڑدگی بشمول پاک بحریہ نا ریجنل میری ٹائم سیکورٹی پیٹرول نا گام گیج آتے ہم مون آ تخا۔ نیول چیف فروری 2019 ء ٹی کراچی ٹی اڈ ہلوک آ کثیر الملکی بحری مشق امن۔ 19 نا بابت ہم احوال تس۔ بحرین ڈیفنس فورس آتا کمانڈر ان چیف ڈیہہ ٹی بحری امن و سوگوی نا چرجوئی ٹی پاک بحریہ نا کڑد و خذمت آتا ستاءِ کرے۔ ایلو اوڑدہی تے ٹی تین پہ تینی است خواہی نا معاملہ بشمول دفاعی و سیکورٹی اشتراک آ گپ و تران کننگا۔ سروک پاک بحریہ نا دا دورہ ہڑتوم آ ملک آتا بحری فوج آتا نیام اٹ تعلقداری تے ٹی سوگوی و استحکام نا سوب مریک۔
