راولپنڈی۔22 جنوری (اے پی پی) پاک فوج اُرد ءِ سروک جنرل قمر جاوید باجوہ ءَ گوں اقوام متحدہ جنرل اسمبلی ءِ صدر ماریا فرنینڈا ءَ گند ءُُ نند کت ایشی ءِ تہ ءَ وت مہ وتی یکوئی کار ءُُ پڑ ءِ سیکورٹی جاور ھال آنی سرءَ ھیال ریچی کنگ بوت۔ پاک اُرد ءِ شوبگ (آئی ایس پی آر) ءِ رد ءَ جنرل اسمبلی ءِ صدر ماریا فرنینڈا ءَ اے موہ ءِ سر ءَ گوشت کہ اقوام متحدہ پڑ ءَ جیڈھ آنی گیواری ءَ پاکستانی کرد ءَ را شرپ ءِ نگاہاں گوں چار ایت ءُُ ناشرکاری ءِ ھلاپ ءَ جنگ ءَ پاکساتان ءِ کرد ءَ را ارزشت دنت۔ ماریا فرنینڈا ءَ گوشت کہ جنگی دمگ آنی تہءَ ایمنی ءِ برجائی ءِ واستہ پاک اُرد ءِ اقوام متحدہ ءَ گوں کمک کنگ لائک توسیپی اِنت۔ آرمی چیف جنرل قمر جاوید باجوہ ءَ اقوام متحدہ ءِ چیر دستی ءَ پاکستان ءِ کرد ءَ را تسلیم کنگ ءِ پد ءَ شرپ مندیں مہمان آنی شگر ءُُ منت گپت۔
