اسلام آباد۔ 22 جنوری (اے پی پی) صدر مملکت ڈاکٹر عارف علوی ءَ شاہی سعودی سلاھ بندیں اُرد ءِ چیف آف جنرل سٹاف فیاض بن حامد رقاد الرویلی ءَ را ’’نشان امتیاز ملٹری‘‘ ءِ داد دات۔ اے رد ءَ سئے شمبے ءِ روچ ءَ ایوان ءِ صدر ءَ ھاسیں مراگش ءِ برجم دارگ بوت ایشی ءِ تہ ءَ چیئرمین جوائنٹ چیفس آف سٹاف کمیٹی جنرل زبیر محمود حیات ءُُ ایندگر کلانہ ایں اپسرگ آں بھر زوری کت۔ مراگش ءَ پد سعودی سلاھ بندیں اُرد ءِ چیف آف جنرل سٹاف ءَ صدر مملکت ءَ گوں گند ءُُ نند کت۔ اے موہ ءِ سر ءَ گپ ءُُ تران کنان ءَ صدر ءِ مملکت ءَ گوشت کہ پاکستان سعودی عرب ءَ گوں براتی ءَ را سک باز ارزشت دنت ایش وت مہ وتی یکوئی ءِ درور اَنت ءُُ توامیں شوبگ آنی تہ ءَ ایشاناں دیمروئی دیگ ءِ واھشت ایگ آں۔ آئی ءَ دوئیں ملک آنی نیام ءَ نزیکی دیمپانی کمک ءِ سر ءَ دل یکیمی ءِ درشان کت دیمپانی پیداوار ءِ پڑ ءَ گیش دیمروئی ءِ امیت است۔ آئی ءَ دوئیں ملک آنی نیام ءَ تجارتی ءُُ سرمایہ کاری رابطہ ءِ دیمروئی ءَ را سہرا کنان ءَ گوشت کہ پاکستانی مردم سعودی عرب ءِ دیمروئی ءُُ وشھالی ءَ جوانیں ازمت کنگ ءَ آں ءُُ ویژن 2030ءِ منصوبگ آنی پیلو کنگ ءَ جوانیں کرد کت کن اَنت۔ چیف آف جنرل سٹاف فیاض بن حامد رقاد الرویلی ءَ ٹوھیں اُردی داد دیگ ءِ پد ءَ صدر ءُُ پاکستان حکومت ءِ شگر ءُُ منت گران ءَ امیت سہرا کت کہ دوئیں براتیں ملک آنی نیام ءَ دو نیمگی یکوئی آیوکیں باندات ءَ گیش ود اَنت۔
