اسلام آباد۔ 22جنوری (اے پی پی) صدر مملکت ڈاکٹر عارف علوی پارینے کہ جان جوڑ راج اسے نا ملک انا شونداری ٹی اہم ءُ کڑد اس مریک۔ پاکستان پدریسہ 37 سال اسکواش نا چیمپیئن مس اومیت ءِ کہ ورناگوازی گر آک تینا خواری اٹ دُوارہ دا پڑاٹ پاکستان ءِ مون آ اتیرہ۔ اوداہیت ءِ خیبر پختونخوا اسکواش ایسوسی ایشن نا صدر قمر زمان تون گپ وتران کرسا پارے ہرا داڑے سے شنبے نادے آ اوڑتون اوڑدہی کرے۔ صدر مملکت پارے کہ گوازی و جان جوڑ سرجز آتے مون آ دننگ ہر راج اکن بے کچ المی ءِ۔ جان جوڑ راج اسے نا ملکی شونداری ٹی اہم ءُ کڑد اس مریک سکواش پاکستان نا پنی آ گوازی ءِ ، پاکستان دانا پدریسہ 37سال چیمپیئن ئس۔ صدر اومیت ظاہر کرے کہ ورناگوازی گر آک تینا خواری اٹ دُوارہ دا پڑاٹ پاکستان ءِ مون آ اتیرہ۔ اوپارے کہ حکومت گوازی تا گچینی کن کوشست کننگ ءِ ، اوپارے کہ گوازی گرآتے کن روزگار ناوارخواہی تننگ ہم بے کچ المی ءِ۔
