اسلام آباد۔ 22جنوری (اے پی پی) صدر مملکت ڈاکٹر عارف علوی پارینے کہ نیشنل آرکائیوز نا ادارہ بیش بہا خزانہ نا امین ءِ ہراڑسکان پولکار، طالب علم و الس ءِ آسانی رسینگ فراوان کننگے۔ اوداہیت ءِ سے شنبے نادے آ نیشنل آرکائیوز نا دورہ ٹی پارے۔ صدر مملکت پارے کہ دا ڈیٹا ءِ یونیورسٹی، پٹ وپولی و حکومتی ادارہ غاتون گنڈنگے۔ اوپارت کرے کہ ڈیجیٹلائزیشن نا عمل ءِ زوت آن زوت پورو کننگے۔ صدر مملکت پارے کہ تاریخی دستاویز آتے رکھ کننگ نا عمل ءِ پوسکن آ وڑوڈول آتیا استوار کننگے۔ اوداہیت آ زور شاغا کہ ادارہ نا جوان تشہیر ءِ کننگے تانکہ الس تینا جندی تاریخی دستاویز آتے دانا حوالہ کے و اوفتے رکھ کننگ مرے واو پٹ وپول اٹی فائدہ تروک جوڑ مریر۔ صدر مملکت نیشنل آرکائیوز ءِ غٹ مون تروک ویل آتا ایسر کننگ اٹ پبی کمکاری نا باوری ترفے۔ داوخت آ صدر مملکت ءِ ادارہ نا بابت سرجم احوال تننگا۔ صدر مملکت نیشنل آرکائیوز نا چندی بشخ آتا دورہ ءِ ہم کرے و تاریخی دستاویز آتا معائنہ ءِ کرے۔
