راولپنڈی۔ 22جنوری (اے پی پی) پاک فوج میڈیا رپورٹ آتیا نتھیا گلی و مری نا نیام اٹ ترند برف آن پد اختہ مروک آ شاری تا خواست آ سہب انا وختی ریسکیو آپریشن آن پد غٹ سیل و سواتی تے رکھوک جاگہ غاتیا گدریفے۔ آپریشن اٹی پاک فوج، پاک فضائیہ، کوئیک ریسپانس فورس و ریسکیو نا ٹیمک بشخ ہلکر۔ پاک فوج انا شعبہ تعلقات عامہ (آئی ایس پی آر) نا ڈائریکٹر جنرل میجر جنرل آصف غفورسہب انا وختی تینا ٹویٹ اٹی پارے کہ سیل و سواتیک میڈیا نا کمک اٹ کمک نا خواست کریر ہراڑا ریسکیو آپریشن کرسا اختہ مروک آ سیل و سواتی تے حفاظت اٹ کشسا مری و کالاباغ نا رکھوک جاگہ غاتیا گدریفین۔ ریسکیو آپریشن سخت موسم و شدید برف انا باوجود سہب انا سوا سہ بجہ غا بناکننگا۔
