چیئرمین نیب جسٹس (ر) جاوید اقبال نا کماشی ٹی نیب ہیڈ کوارٹر ز نا دیوان، جعلی اکاؤنٹ کیس اٹی سپریم کورٹ نا فیصلہ نا بابت نیب انا کمبائنڈ انوسٹی گیشن ٹیم اس جوڑ کننگ نا فیصلہ

اسلام آباد۔ 22جنوری (اے پی پی) قومی احتساب بیورو (نیب) جعلی اکاؤنٹ کیس اٹی سپریم کورٹ نا فیصلہ نا بابت نیب انا کمبائنڈ انوسٹی گیشن ٹیم اس جوڑ کننگ نا فیصلہ کرینے۔ سے شنبے نادے آ قومی احتساب بیورو نا چیئرمین جسٹس (ر) جاوید اقبال نا کماشی ٹی اسہ اہم ءُ دیوان اس نیب ہیڈ کوارٹر اٹی اڈ ہلک۔ دیوان اٹی پراسیکوٹر جنرل نیب، ڈی جی آپریشنز، ڈی جی راولپنڈی و نیب انا ایلو سینئر آفیسر آک ساڑی ئسر۔ دیوان اٹی شرفدار سپریم کورٹ آف پاکستان نا فیک اکاؤنٹ کیس اٹی فیصلہ نا بے کچ گہرائی و گہرائی اٹ جاچ ءِ ہلنگا و نیب انا کمبائنڈ انوسٹی گیشن ٹیم اس جوڑ کننگ نا فیصلہ کننگا۔ ہرانا سرکڑدہ ہی ءِ عرفان نعیم منگی، ڈائریکٹر جنرل نیب راولپنڈی کیرہ و دانا براہ راست چاروکی ءِ قومی احتساب بیورو نا چیئرمین جناب جسٹس جاوید اقبال کیک۔ نیب انا کمبائنڈ انوسٹی گیشن ٹیم کانود نا رداٹ باقاعدہ وڑاٹ تینا کاریم نا بناءِ کرینے۔ نیب اسہ وار ولدا باوری ترفینے کہ شرفدار سپریم کورٹ آف پاکستان نا فیصلہ ءِ مون آ تخسا نیب کانود و ٹھوس شاہدی تا بنداو آ جاست وپاست ءِ پورو شفافیت و میرٹ آ ایسر اسکان سرکننگ آ باور کیک۔ میڈیا آن خواست ءِ کہ او فیک اکاؤنٹ کیس انا بابت قیاس آرائی تیان پاناد کے۔