ساہیوال وئیل سکیں اپسوزی وئیل اِت، ڈاکٹر خالد مقبول صدیقی ءِ حال درءَ گوں گپءُ تران

لاہور۔21جنوری (اے پی پی) انفارمیشن ٹیکنالوجی و ٹیلی کمیونیکیشن ءِ بنجاہی وزیر ءُ ایم کیو ایم ءِ رہنما ڈاکٹر خالد مقبول صدیقی ءَ گشتگ کہ ایم کیو ایم تپاک اِنت۔ رھشونانی بھرءُ بانگ بوہگءَ کارکنوک بھرءُ بانگ نہ بنت، ساہیوال وئیلءَ چہ سک باز اپسوز بوت ، اے وئیلءِ کتاکاراں عبرت ناک سزا دیئگ بہ بیت ، آ دوشمبے ءِ روچءَ ورچوئل یونیورسٹی ءَ وتی ترءُ تاب ءِ موہءَ حال درءَ گوں گپءُ تران کنگءَ بوتگ۔ خالد مقبول صدیقی ءَ گشتگ کہ کوشست کنگءَ اَں کہ پاکستان ڈیجٹلائز کنگ بہ بیت۔ آئیءَ گشت کہ موبائل فون ءِ نیاداں گیش کم کنگءُ وائی فائی ءَ را فری کنگءِ کوشستاں کنگءَ اَں، آئیءَ گشتگ کہ ورچوئل یونیورسٹی مے آئی ٹی وزارت ءِ تہءَ کیئت کہ ایشیءَ یک نوکیں آشوبے ودی کتگ ، ملک ءَ نیزگاری ءُ کوراسی ءَ ہلاس کنگ چے چے گامگیج چست کنگ بہ بنت اے ہوالگءَ گپءُ تران بوتگ ۔