اسلام آباد۔21جنوری (اے پی پی) مزن وزیر عمران خان گترءِ امیر شیخ تمیم بن حمد الثانی ءِ دعوتءَ دوشمبے ءِ روچءَ گترءِ 2روچی ترءُ تابءَ رہادگ بوتگ۔ دری کارانی وزیر شاہ محمود قریشی، حزانگءِ وزیر اسد عمر، پیٹرولیم ءِ وزیر غلام سرور خان، مزن وزیر ءِ صلہ کار عبدالرازق داؤد، مزن وزیر ءِ ہاسیں کمک کار ذوالفقار عباس بخاری، زرکاری بورڈ ءِ چیئرمین ہارون شریف ءُ توانائی ٹاسک فورس ءِ چیئرمین ندیم بابر ہم مزن وزیرءِ ہمراہ اَنت۔ مزن وزیر گترءِ امیرءُ مزن وزیرءَ گوں گندءُ نند کنت۔ آ گترءِ زرکارءُ بیپاراں گوں گندءُ نند کنت۔ آ گتر ءَ نندوکیں پاکستانی براتی ءَ گوں گندءُ نند ہم کنت۔
