اسلام آباد۔21جنوری (اے پی پی) منصوبہ بندیءُ دیمروئی ءِ بنجاہی وزیر خسرو بختیار ءِ سروکی ءَ دیوان بوتگ۔ دیوانءَ بحری کارانی بنجاہی وزیر سیّد علی حیدر زیدی، ، کمانڈر سدرن کمانڈ جنرل عاصم سلیم باجوہ، صوبائی وزیر برائے اطلاعات بلوچستان ظہور احمد بلیدیءُ دگہ باسک ہوار بوتگ اَنت۔ دیوانءَ گوادر ماسٹرسٹی پلان منصوبہ ءِ سرءَ بوتگیں کارانی تپاسی کنگ بوتگ۔ ڈی جی گوادر ڈویلپمنٹ اتھارٹی ڈاکٹر سجاد حسین ءُ پی ڈی سی پیک احسان داؤد ءَ پلان ءِ سرءَ شونشت داتگ۔ دیوان ءَ گوادر ءَ را یک جدید سمارٹ شہر جوڑ کنگءِ سرءَ تپاک کنگ بوتگ۔ شہر ءَ را ساپ ، سرءُ شاداب کنگءِ فیصلہ کنگ بوتگ۔ بنجاہی وزیر ءَ گشتگ کہ مزنیں صنعت ءُ آئل سٹی شہر ءَ چہ دور جوڑ کنگ بہ بیت۔ بنجاہی وزیر ءَ ہمگرنچیں ادارگاں زمین ءُ دگہ گامگیجاں الم کنگءِ پنتءُ شون کتگ۔ شہرءُ گوادر دکّہ ءَ را پراہ ءُ شائگان کنگءِ منصوبہ یک دومی ءِ حساب جوڑ کنگ بہ بنت۔
