اسلام آباد۔ 21 جنوری (اے پی پی) پاک بحریہ ءِ سروک ایڈمرل ظفر محمود عباسی سرکاری تر ءُُ تاب ءِ ساھت ءَ بحرین ءَ پُج اِت، کمانڈر بحرین نیشنل گارڈز ءُُ کمانڈربحرین کوسٹ گارڈ ءَ گوں گند ءُُ کت، مناما ءَ رائل بحرین نیول فورس ہیڈ کوارٹرز ءَ آیگ ءِ پد ءَ رائل بحرین نیول فورسز ءِ سروک آں پاک بحریہ ءِ سروک ءَ را وش اتک کت، نیول چیف ءَ را اے موہ ءِ سر ءَ روایتی رنگ ءَ سلامی پیش کنگ بوت۔ جارچین پاک بحریہ ءِ رد ءَ پاک بحریہ ءِ سروک ءِ نیول چیف ءِ کمانڈر رائل بحرین نیول فورسز ءَ گوں گند ءُُ نند ءِ تہ ءَ کزبی کار ءُُ وت مہ وتی تیابی شریکی آنی سر ءَ ھیال ریچی کنگ بوت۔ نیول چیف ءَ ناشرکار آنی ھلاپ ءَ جنگ ءَ پاکستان ءِ جزم ءُُ کار کرد ءَ ھوار پاک بحریہ ءِ ریجنل میری ٹائم سکیورٹی پیٹرول ءِ گامگیج آنی سر ءَ چمشانک دات۔ نیول چیف ءَ فروری 2019 ءَ پاکستان ءِ نیمگ ءَ کروچی ءَ برجم بوھوکیں باز ملکی زرّئی ایکسرسائز ایمن 19 ءِ ھوالگ ءَ کمانڈر رائل بحرین نیول فورس ءَ را بریف کت۔ کمانڈر رائل بحرین نیول فورس ءَ پڑ ءَ زرّئی ایمنی ءُُ برجائی ءِ رد ءَ پاک بحریہ ءِ کرد ءُُ ازمت آناں ساڑات۔ ایندگر گند ءُُ نند آنی ساھت ءَ وت مہ وتی واھگی کار آں ھوار دیمپانی ءُُ سیکورٹی شریکداری ءِ سر ءَ ھیال ریچی کنگ بوت۔ پاک بحریہ ءِ سروک ءِ اے تر ءُُ تاب دوئیں ملک آنی بحری اُرد آنی نیام ءَ یکوئی ءَ را گیش مھکم کنگ ءِ سبب بیت۔
