اسلام آباد۔ 21جنوری (اے پی پی) چیئرمین سینیٹ محمد صادق سنجرانی بلوچستان نا ضلع بولان اٹی تالان مروک آ ناجوڑی نا نوٹس ءِ ہلسا دمدستی وڑاٹ چاہندار آتا ٹیم اس گدریفنگ نا پرمان تسنے تانکہ دا ناجوڑی نا بابت معلومداری دوئی کرسا تدارک کن مربوط لائحہ عمل اس جوڑ کننگے۔ بلوچستان آن تعلق تخوک آ ایم پی ایز و ہندی نمائندہ غاک چیئرمین سینیٹ نا چکار ءِ دا ناجوڑی نا کنڈا کرفیر اوکان پد چیئرمین سینیٹ دوشنبے نادے آ تینا چیمبر اٹی ڈائریکٹر جنرل ہیلتھ سروسز ڈاکٹر اسد حفیظ و ایگزیکٹو ڈائریکٹر نیشنل ہیلتھ انسٹیٹیوٹ بریگیڈیئر (ر) عامر اکرام آن دا ناجوڑی نا بابت سرجم آتے دوئی کرے۔ داوخت آ سینیٹ نا قائمہ کمیٹی جان جوڑی نا چیئرمین سینیٹر عتیق شیخ ہم ساڑی ئس۔ چیئرمین سینیٹ نا پارت آ نیشنل انسٹیٹیوٹ آف ہیلتھ سروسز نا اسہ خصوصی ءُ ٹیم اس بلوچستان نا ضلع بولان آ گدریفنگک ہرا دا ناجوڑی نا سوب آتا سرجمی اٹ جاچ ءِ ہلنگ آن پد دانا تدارک نا بابت لائحہ عمل آن چیئرمین سینیٹ ءِ معلومدار کیک۔ چیئرمین سینیٹ دا ناجوڑی نا تدارک نا گام گیج آتا چاروکی ءِ تینٹ کیک۔
