اسلام آباد ۔ 21جنوری (اے پی پی) پاکستان اٹی اسہ اندازہ سے نا رداٹ ایڈز انا مریض آتا جم اٹنگا کچ یک و نیم لکھ، رجسٹرڈ مریض آتا کچ 25,220 ءِ۔ وزارت نیشنل ہیلتھ سروسز، ریگولیشنز اینڈ کوآرڈینیشن نا ذرائع نا رداٹ بنجائی دارالحکومت اٹی ایڈز انا مریض آتا کچ 2,616ءِ و پنجاب اٹی ایڈز انا مریض آتا کچ 11,396وخت اس کہ سندھ اٹی ایڈز انا مریض آتا کچ 8,070۔ داڑے خیبر پختونخوا ٹی ایڈز انا مریض آتا کچ 2,370و بلوچستان اٹی ایڈز انا مریض آتا کچ 768ءِ۔ بنجائی دارالحکومت اسلام آباد اٹی پاکستان انسٹی ٹیوٹ آف میڈیکل سائنسز اٹی ایڈز انا درمان سینٹر ءِ وخت اس کہ راولپنڈی ٹی ایڈز انا درمان کن کمبائنڈ ملٹری ہسپتال و بے نظیر بھٹو شہید ہسپتال اٹی سینٹرز ءِ۔ ہنداوڑ ایڈز انا درمان کن پنجاب اٹی ہژدہ ایڈز انا درمان کن چندی ہسپتال آتے ٹی سینٹر جوڑ کننگانے۔ ہنداوڑسندھ اٹی ایڈزانا درمان کن ہشت میڈیکل سینٹر ، خیبر پختونخوا نا چندی ہسپتال آتے ٹی مسہ سینٹرز، بلوچستان نا چندی ہسپتال آتے ٹی اِرا سینٹر جوڑ کننگانے۔
