دہشت گرد آتا سرکوبی کن کانود نافذ کروک آ ادارہ غاک بے مٹ قربانی تسنو، ساہیوال و اقعہ انتظامی بے سہبی اسے ہرا نا گواچی اسہ کودک ءُ خاہوت اس مس
مظفر آباد۔ 21 جنوری (اے پی پی) آزاد جموں و کشمیر نا وزیراعظم راجہ محمد فاروق حیدر خان پارینے کہ دہشت گرد آتا سرکوبی کن کانود نافذ کروک آ ادارہ غاک بے مٹ قربانی تسنو کودک شاری تا جان تتون گوازی کننگ نا موکل تفنہ، ساہیوال واقعہ انتظامی بے سہبی اسے ہرانا گواچی اسہ کودک ءُ خاہوت اس مس۔ وزیراعظم تینا بیان اٹی پارے کہ ساہیوال واقعہ انسانی المیہ سے، دانا پورو جاست و پاست اسکان ہروڑنا بیان بازی آن دانا رخ بدل مننگ کیک۔ اوپارے کہ قوم ءِ ادارہ غاتیا بایدے پت مرے غلطی انسان تیان مریک ولے ہراتم ادارہ جاتی کہو ل آ دُن ءُ سنگین غلطی اس مرے تو اونا محاسبہ ہم بایدے سخت مرے تانکہ پین وخت اس داوڑنا واقعہ غاتیان بچنگ مرے۔ اوپارے کہ ساہیوال واقعہ غا ہراڑے مچ آ قوم ڈکھیا ءِ ہمو ڑے ہمو داہم خوارہ کہ واقعہ ٹی اوار بندغ آتا برخلاف کانود نا رداٹ کارروائی کننگے۔ اوزہمی خاہوت آتون ہڑزخواہی کرے و ہمو چناک ہرافتا لمہ و باوہ ہنار و بے کچ است ہسون واقعہ نا گواچی مروک آتون ہمدردی نا درشانیءِ کرے۔ وزیراعظم دعا کرے کہ اللہ تعالیٰ ایماندار تا بخشش ءِ کے و پدسلوک آ خاہوت ءِ صبر کننگ ناتوفیق عطافرمائفے۔
