اسلام آباد۔ 21جنوری (اے پی پی) محکمہ موسمیات نا رداٹ بروک آ 24گھنٹہ ٹی اسلام آباد، راولپنڈی، گوجرانوالہ، لاہور ڈویژن ، مالاکنڈ، ہزارہ، پشاور، مردان ، میر پور خاص ٹھٹھہ ڈویژن کشمیر و گلگت بلتستان اٹی گیشتر ہند آتیا ہورہ و گروک تون پِر و مش تیا برف وخت اس کہ سرگودھا، فیصل آباد، بہاولپور، ملتان ، ساہیوال اٹی گڑاس ہند آتیا پِر ، ہندا وخت آ مالاکنڈ ڈویژن اٹی سوات، چترال، کالام ، مالم جبہ ، اپر دیر، ہزارہ ڈویژن، مری ، گلیات، گلگت بلتستان و کشمیر اٹی برف انا گمانءِ۔ رپورٹ نا رداٹ گدرینگوک آ 24گھنٹہ ٹی اسلام آباد، راولپنڈی، گوجرانوالہ، لاہور ڈویژن، بڑزکو پنجاب ، خیبر پختونخوا ، بلوچستان ، کشمیر و گلگت بلتستان اٹی جاگہ جاگہ غا وخت اس کہ سکھر ڈویژن اٹی گڑاس ہند آتیا پِر و مش تیا برف مس۔ غٹ آن زیات پِر پسنی ٹی 28، خضدار اٹی 19، ماڑہ ٹی 10، کوئٹہ 9، قلات 07، لسبیلا، ژوب اٹی 3، گڑھی دوپٹہ 3، مظفر آباد اسٹ، و جیکب آباد اٹی 06ملی میٹر ریکارڈ کننگا وخت اس کہ غٹ آن زیات برف کالام اٹی 13، مالم جبہ ٹی 9 ، چترال ، بگروٹ، مری ، سکردو ٹی 2، گلگت و دروش اٹی اسہ انچ ریکارڈ کننگانے۔
