لاہور۔ 19جنوری (اے پی پی) حالءُ احیوالکاری ءُ شنکگاری چوہدر ی فواد حسین ءَ گشتگ کہ حکومتءَ را کسی نیمگءَ چہ ہچ وڑیں ترس نیست، پاکستان ءِ وشیں روچ روس بندات بوتگ اَنت، سیاسی گل جیڑہءُ جنجالانی دیمپانی ءَ کن اَنت بلے کس ملک ءَ یل کنگءُ تچکءَ ناایں ، مسلم لیگ ن ءُ پیپلز پارٹی ءِ جنگءُ دعوا تنا کرپشن ءَ ریلیف دیئگ ایں، دوئیں پارٹی لوٹاں کہ آہاں کرپشن ءِ کیس ءَ ریلیف دیئگ بہ بیت بلے آ ہچ وڑیں ریلیف بوہگءَ نہ اَنت۔ اے حیالانی در شانی آئی ءَ گوستگیں روچ ءَ ہندی ہوٹل ءَ منوبھائی ءِ سال روچ ءِ درگتءَ بوتگیں مراگش ءَ حال درءَ گوں گپءُ تران کنانءَ کتگ۔ یک دگہ جستے ءِ پسوءَ آئی ءَ گشتگ کہ پیپلز پارٹی ءُ ن لیگ سیاسی پارٹی اَں، مے جنگ گوں ایشاں نہ ایں بلکیں ایشانی لیڈراں ریلیف دیئگءِ سرءَ ایں ۔ یک دگہ جستے ءِ پسوءَ بنجاہی وزیر ءَ گشتگ کہ ڈیم پاکستان ءِ ضلورت ایں ایشیءِ سرءَ بے سریں بھتان جنگ مہ بیت ، ملک ءَ راج دپترءِ مستریں زرکاری بوہگءَ ایں، دنیاءِ سئمی مستریں آئل ریفائنری جوڑ کنگ بوہگءَ ایں ، سی پیک 2019پلان دیما آرگ بیت، سی پیک ءَ انفراسٹرکچر ءَ ابید راستیں جیڑہءُ جنجالاناں گیشءُ گیوارکنگ بیت۔
