کوئٹہ۔ 18 جنوری (اے پی پی) بلوچستان بورڈ آف انٹرمیڈیٹ سیکنڈری ایجوکیشن کوئٹہ نا امتحانی کمیٹی نا چیئرمین پارینے کہ میٹرک نا سالانہ امتحان آتے ٹی استاد آتا ڈیوٹی تے بذریعہ قرعہ اندازی خلنگک۔ داہیت ءِ او جمعہ نادے آ تینا جاری کروک بیان اٹی پارے۔ اوپارے کہ غٹ استاد تنظیم تا سلابت و گیشتری رائے آن و امتحانی کمیٹی فیصلہ کرینے کہ میٹرک نا سالانہ امتحانک ہرا کہ 14فروری 2019 آن بناکننگ ءُ ، ہرافتے ٹی استاد آتا ڈیوٹی تے ضلعی تعلیمی آفیسر آتا کنڈا گدریفوک آ فہرست آتے اٹ بذریعہ قرعہ اندازی خلنگک۔ ضلعی تعلیمی آفیسر آتا کنڈآن و انفرادی درخواست آک ملانو ۔ اوفتے مسہ جتا ءُ گروپ آتے ٹی بشخسا ضلع وار قرعہ اندازی کننگک ہراکہ منہ دے اٹی گمانی ءِ ۔ تاریخ نا داکان پد پڑو ءِ کننگک۔
