اسلام آباد۔ 18 جنوری (اے پی پی) صدر آزاد جموں و کشمیر سردار مسعود خان پارینے کہ آزاد کشمیر اٹی تعمیر و ترقی، سیل و سوات ءِ مون آ دننگ، تعلیمی نظام نا گچینی و تعلیمی انفراسٹرکچر ءِ سوگو کننگ و خلقت ءِ سَاف دیر انا آسراتی تننگ ساڑی حکومت نا اولیت آتے ٹی اوار ءِ۔ داخیال آتا درشانی ءِ او ضلع پونچھ حلقہ نمبر 4 انا السی ڈل اتون گپ وتران کرسا کرے۔ ڈل انا سرکڑدہ ہی ءِ مسلم لیگ(ن) حلقہ 4انا صدر سردار عاشق حسین کریکہ۔ ڈل اٹی مسکوہی چیئر مین یونین کونسل ریاڑہ سردار جہانگیر خان، حلقہ 4پاکستان مسلم لیگ (ن) نا جنرل سیکرٹری سردار شاہد لطیف، سردار توصیف خان، سردار وسیم عاشق، سردار عبدالجبار ، سردار نصیر جنت اوار ئسر۔ صدر آزاد کشمیر ڈل ءِ پارے کہ او آزاد کشمیر اٹی سیل و سواتی راہداری ءِ پین مون آ دننگ کن تھوراڑ، لاگریاٹ، بیٹری، کھیریاں ، داتوٹ ءِ ہم اوار کننگ نا پارت تسنے، ہنداوڑ ناگشیر ، مرشد آباد، نیریاں ، تراڑ کھل ءِ ہم ٹورازم کوریڈور اٹی اوار کننگانے۔
