اسلام آباد۔ 18 جنوری (اے پی پی) ڈپٹی چیئرمین سینیٹ سلیم مانڈوی والا پارینے کہ این ڈی ایم اے کاخت سالی نا مونءِ توننگ کن بنجائی حکومت تون پارلیمان ءِ ہم تینا کوشست آتے ٹی اوار کے، بے نظیر انکم سپورٹ پروگرام دنیا نا بھلا شرحالی ڈٹ آتے ٹی اوار ءِ ہرا پدسلوک آ علاقہ غاتا نیزگار زالبول و زند انا آب ءِ گچین کننگ اٹ اہم کڑد ادا کننگ ءِ، پاکستان دوئی وسیلہ غاتے کاریم اٹ اتسا ہرآفت تون مون تننگ نا پبی لائخی تخک۔ داخیال آتا درشانی ءِ او جمعہ نادے آ نیشنل ڈیزاسٹر مینجمنٹ اتھارٹی (این ڈی ایم اے) نا کنڈآن کاخت سالی نا سرحال آ سیمینار آن تران کرسا کرے۔ اوپارے کہ پاکستان بے پناہ قدرتی وسیلہ غاتیان ہمپوک ءُ ملک اسے ولے کاخت سالی کون آ آفت دا وسیلہ غاتے نسخان تننگ ءِ۔
