اسلام آباد۔ 18 جنوری (اے پی پی) جسٹس آصف سعید کھوسہ 26می چیف جسٹس آف پاکستان نا عہدہ نا سوغند ہرفے۔ صدر مملکت ڈاکٹر عارف علوی جمعہ نادے آ ایوان صدر اٹی اڈ ہلوک آ دود اٹی اوڑان سوغند ہلک۔ سوغندی دود اٹی وزیراعظم عمران خان ، سپریم کورٹ انا جج صاحب آک، بنجائی کابینہ نا باسک آک، اسپیکر قومی اسمبلی اسد قیصر، چیئرمین سینیٹ صادق سنجرانی ، سروسز چیفس، گورنرز ، وکیل آک و ایلو نمان شخصیت آک ساڑی ئسر۔ چیف جسٹس آصف سعید کھوسہ 21دسمبر 1954ء آ ڈیری غازی خان اٹی ودی مس۔ او 1969 ء ٹی بورڈ آف انٹرمیڈیٹ اینڈ سیکنڈری ایجوکیشن ملتان آن میٹرک کرے و بورڈ اٹی 5می پوزیشن ءِ ہلک۔ او 1971ء ٹی بورڈ آف انٹرمیڈیٹ اینڈ سیکنڈری ایجوکیشن لاہور آن انٹرمیڈیٹ نا امتحان اٹی اولیکو پوزیشن ءِ ہلک ۔ او 1973 ء ٹی گورنمنٹ کالج لاہور آن بی اے نا ڈگری ءِ ہلسا اول پوزیشن ءِ ہلک و اوکان پد 1975ء ٹی یونیورسٹی آف پنجاب آن انگلش لینگویج و لٹریچر اٹی ماسٹر کرے۔ 1978ء ٹی کوئنز کالج، یونیورسٹی آف کیمبرج برطانیہ غان ایل ایل ایم کرے۔ جسٹس آصف سعید کھوسہ 13نومبر 1979 ء آ لاہور ہائیکورٹ وخت اس کہ 12ستمبر 1985ء آ سپریم کورٹ نا ایڈووکیٹ نا حیثیت اٹ انرول مس۔ او آئین و کانود نا بابت آن کیہی کتاب آتا مصنف ءِ وخت اس کہ چندی آئینی و کانودی ویل آتیا اونا چندی سرحال و پٹ وپولی مقالہ ہم شینک مسنے۔ چیف جسٹس 21مئی 1998ء ٹی لاہور ہائیکورٹ وخت اس کہ 18 فروری 2010ء آ سپریم کورٹ نا جج تعینات مس۔ اوداوخت اسکان کم و ود 19 سال انا تینا کیریئر اٹی کم و ود 55ہزار مقدمہ غاتا فیصلہ ءِ کرے۔ او چندی ملک آتے ٹی جہانی کانفرنس و سیمینار آتے ٹی پاکستان نا نمائندگی ءِ ہم کرینے۔
