اسلام آباد۔ 18 جنوری (اے پی پی) وزیر خارجہ شاہ محمود قریشی پارینے کہ فعا ل و سوگو اقوام متحدہ جہانی امن و سوگوی کن المی ءِ۔ نن اجتماعی کوشست آتا مون آ دننگ آن ہی جہانی ویل آتا ایسر اس کشنگ کینہ۔ داہیت ءِ او اقوام متحدہ نا جنرل اسمبلی نا صدر ماریہ فریننڈا اسپنوزا تون گپ وتران کرسا پارے ہراجمعہ نادے آ داڑے وزارت خارجہ ٹی اوڑتون اوڑدہی کرے۔ اوڑدہی ٹی کشمیر تون اوار اہم جہانی و علاقائی معاملہ غاتیا ہم گپ و تران کننگا۔ کڑدہ غاک امنائی وڑاٹ ویل آتا ایسری و امن و سوگوی کن اقوام متحدہ ءِ اسہ المی ءُ پلیٹ فارم اس گوندار۔ وزیر خارجہ مخدوم شاہ محمود قریشی صدر اقوام متحدہ جنرل اسمبلی ءِ مقبوضہ جموں وکشمیر اٹی بھارت نا کنڈآن پدریسہ انسانی حق انا خلاف ورزی تیا پاکستان نا گڑتی آن معلومدار کرے۔ وزیر خارجہ نا کنڈآن جموں و کشمیر نا ویل انا ایسری کن یو این سلامتی کونسل نا قرارداد آتیا پورو عملدرآمد ءِ المی جوڑ کننگ آ زور شاغنگا۔ شاہ محمود قریشی پارے کہ فعال و سوگو اقوام متحدہ جہانی امن و سوگوی کن المی ءِ۔ اوپارے کہ نن اجتماعی کوشست آتا مون آ دننگ آن ہی جہانی ویل آتا ایسر اس کشنگ کینہ۔
