کوئٹہ ۔ 17 جنوری (اے پی پی) ڈپٹی کمشنر سبی سید زاہد شاہ پارینے کہ اینو زالبول آتے بھاز انگا ویل آتون مون تروئی تمنگ ءِ ہراٹی زالبول آتے اوفتا حق آن محروم کننگ زالبول آتا رکھ و اوفتا ویل آتے ایسر کننگ اولیت آتے ٹی اوار ءِ ۔ داخیال آتا درشانی ءِ او وومن ڈویلپمنٹ نا اڈ ہلوک آ جینڈر اکوالٹی نا چرجوئی ٹی اسہ دود اسے آن کرے۔ دود اٹی ڈائریکٹر وومن ڈویلپمنٹ انعام الحق ہیڈ آف وومن ڈویلپمنٹ عائشہ ودود ایڈیشنل ڈپٹی کمشنر عباس ملک ڈپٹی ڈائریکٹر کشت وکشار ڈاکٹر فضل قریشی ڈپٹی ڈائریکٹر لائیو اسٹاک جان محمد صافی ڈی ایچ او اکبر سولنگی سول سوسائٹی ایلو ضلعی و انتظامی آفیسر آتون اوار میڈیا نا نمائندہ غاک ساڑی ئسر داکان مست ورکشاپ نا بشخ ہلوک آڈائریکٹر وومن ڈویلپمنٹ انعام الحق ہیڈ آف وومن ڈویلپمنٹ عائشہ ودود جینڈرا کوالٹی نا بابت صوبہ ٹی کروک آ پٹ و پول و زالبول آتے مون تروک ویل و اوفتا ایسری نا بابت معلومدار کرسا پاریر کہ بلوچستان اٹی سبی ہمو اسٹ انگا شار ءِ ہراڑے زالبول نا ہر فورم آ نمائندگی نظر بریک داڑکن نن داکان بناءِ کرینن ۔ داوخت آ ڈپٹی کمشنر سید زاہد شاہ پارے کہ صوبہ نا زالبول آتے مون تروک ویل آتا بارواٹی جاری پٹ وپولی عمل آن یقیناًنتیجہ خیز فیصلہ سے آ سرمننگ کینہ اوکان پد صوبائی حکومت ءِ ڈویژنل و ضلعی کہول آ زالبول آتا ویل آتا بابت پالیسی اس جوڑ کننگ اٹ آسانی مریک۔
