کوئٹہ۔ 17 جنوری (اے پی پی) کمشنر کوئٹہ ڈویژن محمد ہاشم غلزئی پارینے کہ پولیو وائرس نا ساڑی گری نا سوب آن مہم اٹی زیات خواری کننگ ناگرج ءِ داچرجوئی ٹی غٹ تعلقدار ادارہ غاک دا حساس ویل آ سنجیدگی اٹ گام گیج کیر ساڑی آ رپورٹ آن پد پولیو مہم اٹی بروک آ خامی تے زوت آن زوت مر کرسا تینا علاقہ غاتے پولیو آن پاک کیر ۔ داخیال آتا درشانی ءِ او 21جنوری آن بناکروک آ مسہ دے ئی انسداد پولیو مہم نا بست و بند آتا چرجوئی ٹی ڈویژنل ٹاسک فورس انا دیوان و احوال نا وخت آ کرے۔ داوخت آ ڈپٹی کمشنر کوئٹہ طاہر ظفر عباسی، ڈپٹی کمشنر قلعہ عبداللہ شفقت شاہوانی، ایڈیشنل ڈپٹی کمشنر(جنرل ) پشین امین اللہ، اسسٹنٹ کمشنر(ریونیو) کوئٹہ ثناء ماجبین، ایس پی سیکورٹی کوئٹہ نعیم اچکزئی آن بیدس ڈسٹرکٹ ہیلتھ آفیسر ز، جہانی ادارہ جان جوڑی، یونیسیف ، نیشنل پروگرام ، این اسٹاف و ایلو تعلقدار ادارہ غاتا آفیسر آک ہم ساڑی ئسر۔ کمشنر کوئٹہ ڈویژن پارے کہ پولیو اسہ خطرناک ءُ ہلوک ءُ مرض اسے دانا چٹفنگ کن راج انا غٹ اکائی و اونا تدارک نا چرجوئی ٹی تعلقدار ادارہ غاک تینا پبی کوشست ءِ برجاتخر اوپارے کہ پویو نا بابت کوئٹہ بلاک بے کچ حساس ءِ سیمی علاقہ غاتا سوب آن پولیو آ کنٹرول کننگ بے حد مشکل ءِ انتئے کہ ہردے نا بنداو آ ہزار آتا کچ اٹی ہمسایہ ملک آن خلقت آتا ہن و برءِ دا چرجوئی ٹی خصوصی گام گیج کرسا سیمی علاقہ غاتے ٹی پولیو کنفنگ کن فول پروف گام گیج چست کننگے تانکہ اسہ چناس ہم پولیو پڑی کُننگ آن بیدس پترینگ انگ کپ۔ اوپارے کہ 21 جنوری آن بناکروک آ انسداد پولیو مہم کن سخت ترین گام گیج کرسا غٹ چناتسکان پولیو نا رکھی پڑی تا رسینگ ءِ ممکن کرسا سیمی و مر مر انگا علاقہ غاتیا خصوصی چکار کننگے اوپارے کہ پولیو نا چٹفنگ نا چرجوئی ٹی راج انا فعال بندغ، عالم دین، استاد وسول سوسائٹی ءِ ہم بایدے متحرک کروئی مرے تانکہ مہم اٹی مشکل آتون مون تننگ نا دروشم اٹ اوفتا کمک ءِ ہلنگ مرے۔ اوپارے کہ ساڑی پولیو مہم نا سیکورٹی کن سخت بست و بند کننگانے ہراٹی پولیس آن بیدس ایلو تعلقدار ادارہ غاک سیکورٹی نا فرض ءِ سرانجام ایترہ۔ اومستی پارے کہ انسداد پولیو مہم ءِ سرسہب کننگ کن ضلعی انتظامیہ و تعلقدار ادارہ غاک مانیٹر نگ نا نظام ءِ گچین کرسا ٹیم تا چاروکی ءِ کیر۔ کمشنر کوئٹہ ڈویژن خاص کر کوئٹہ ، قلعہ عبداللہ ٹی پولیو نا حالیت آتا بابت خصوصی چکار ترفسا پارے کہ ساڑی آ مہم اٹی پبی گام گیج چست کرسا دادے جوان وڑاٹ سرسہب کیر و غٹ آبادی اسکان پولیو نا پڑی تا فراوانی ءِ المی جوڑ کننگے ۔ داوخت آ ڈاکٹر عبدالسمیع خان 21 جنوری آن بناکروک آ مسہ دے ئی انسداد پولیو مہم و گدرینگوک آ پولیو مہم آتا بابت ساڑی مروک آتے احوال ہم تس۔
