کوئٹہ۔ 17 جنوری (اے پی پی) صوبائی سلاہکار ایکسائز اینڈ ٹیکسیشن محمد نعیم خان بازئی پارے کہ فکر باچا خان ننا نصب العین ءِ دا سوچ ءِ مون آ تخسا الس نا خذمت ءِ کننگ ننا فرض ءِ داہیت ءِ او تینا آفس اٹی بروک آ چندی ڈل آتون گپ و تران کرسا پارے داوخت آ صوبائی سلاہکار نا حلقہ گچین کاری آن بروک آ چندی قبائلی سرکڑدہ غاتا اسہ بھلوکچ اس ہم ساڑی ئسر۔ اوپارے کہ وزارت ہنوک بروک ءُ گڑاسے درو ہراک وزیر و مشیر ئسر اینو افس ننا ہم مداسہ دے اس چٹک ولے خذمت خلق و بے روزگار نا چٹفنگ ننا اولیت ءِ۔ داکاریم کن وزارت نا مننگ یا مفننگ ہچ ءُ معنی اس تخپک بیرہ خذمت خلق ، فکر باچا خان ہراکہ اولی دے آن نن کننگ اُن و آخیری دے اسکان انشاء اللہ کرسا کینہ۔ صوبائی سلاہکار پارے کہ ننا حکومت نا اولی اولیت بے روزگاری نا چٹفنگ ءِ صوبائی حکومت وزیراعلیٰ بلوچستان جام کمال نا سرکڑدہ ہی ٹی بلوچستان نا غٹ ویل ہرافتے ٹی بے روزگاری سرفہرست ءِ نا چٹفنگ کن عملی گام گیج چست کننگ ءِ۔ صوبائی سلاہکار مستی پارے کہ تینا حلقہ نا ویل آتیان جوانی اٹ بلد اُٹ میرات اٹی بروک آ دا ویل آتے ایسر کننگ ننا اولیت ءِ ہراڑے ہم اسکول واٹر سپلائی ، جان جوڑی نا آسراتی روڈ و نالی نا ضرورت ءِ ہموڑے دا غٹ شونداری کاریم تے کرفنہ تینا حلقہ ٹی شونداری کاریم تا جال اس شاغنہ تانکہ السءِ یخین مرے کہ اوفک تینا حلقہ کن اسہ مخلص و گچین ءُ نمائندہ اس گچین کرینو ۔
