کوئٹہ۔ 17 جنوری (اے پی پی) صوبائی وزیر راجی و بہبود میر اسد بلوچ پارینے کہ دارالامان اٹی ساڑی آ زالبول و چناتا شرحالی و اوفتے غٹ تر بنداوی آسراتی تننگ کن ہروڑاٹ گام گیج کننگک۔ زالبول آتا فنی تربیت کن انسٹرکٹرنا تعیناتی ءِ زوت آن زوت کننگک۔ داخیال آتا درشانی ءِ او او پی پی سینٹر اٹی الیکٹرو تھراپی سیکشن نا بنا و دارالامان نا دورہ نا وخت آ رہینگوک آ زالبو ل آتون گپ و تران اٹی کرے۔ داوخت آ صوبائی وزیر دارالامان و پی پی سینٹر نا چندی بشخ آتا جاچ ءِ ہم ہلک۔ صوبائی وزیر پارے کہ دارالامان اٹی رہینگوک آ زالبول آک راج انا اہم ءُ بشخ اسے ءُ اوفتا تعلیم و تربیت نا فراوانی و ایلو بنداوی آسراتیک ننا زمواری تے ٹی اوار ءُ۔ داکان بیدس صوبائی وزیر ءِ ڈائریکٹوریٹ سوشل ویلفیئر اٹی او پی پی سینٹر نا ہیڈ محمد ایوب اکبری دارالامان و او پی پی سی نا بابت آن سرجم احوال تس۔ دورہ نا وخت آ صوبائی وزیر سینٹر اٹی ساڑی مریض آتا جان پڑسی ءِ کرے و اوفتا درمان کن ہروڑنا گام گیج چست کننگ نا باوری ترفے وخت اس کہ دارالامان اٹی رہینگوک آ زالبول آک صوبائی وزیر ءِ تینا ویل آتیان ہم معلومدار کریر۔
