اسلام آباد۔ 17 جنوری (اے پی پی) اوگانستان ءِ صدر محمد اشرف غنی ءَ پنچ شمبے ءِ روچ ءَ مزن وزیر عمران خان ءَ را ٹیلی فون کت ءُُ اوگانستان ءَ ایمنیں سول ءُُ تران ءِ واستہ استیں کوشست آنی بابت ءَ گپ ءُُ تران کت۔ اوگان صدر ءَ اوگانستان ءِ واستہ امریکی نماھندگ برائے ایمنیں تپاکی زلمے خلیل زاد ءِ نیمگ ءَ بنگیج کتگیں آئی ءِ کوشست آنی پد ءَ پاکستان ءِ دلپچیں کرد ءِ شگر ءُُ منت گپت۔ مزن وزیر عمران خان ءَ اوگانستان ءِ صدر ءَ را دل یکیمی دات کہ پاکستان وتی یکجائی زمہ واری آنی رد ءَ ایمنی ءِ پراھ ءُُ شاھیگانی ءِ وسیلگ ءَ اوگانستان ءِ جیڈھ ءَ را سول ءُُ تران ءِ واستہ کوشست کنگ ءَ اِنت۔ صدر اشرف غنی ءَ مزن وزیر ءَ را اوگانستان ءِ تر ءُُ تاب کنگ ءِ دعوت دات۔ مزن وزیر عمران خان ءَ ھم اوگان صدر ءَ را پاکستان ءِ تر ءُُ تاب کنگ ءِ دعوت دات۔ دوئیں سروک مُدا یک ءُُ دگر ءَ رابطہ کنگ ءُُ توامیں جیڈھ آنی گیواری ءِ واستہ جوانیں جاور پیداک کنگ ءِ سر ءَ تپاک کت۔
