اسلام آباد۔ 17 جنوری (اے پی پی) صدر مملکت ڈاکٹر عارف علوی ءَ سیل ءُُ سوادی چست ءُُ ایر آنی دیمروئی ءِ واستہ راجی دود ءُُ ربیدگ مڈی ءِ رکھینگ ءِ ضلورت ءِ سر ءَ زور پر دیان ءَ گوشت کہ راجی ماڑی آناں اِچ رنگ ءَ سیاسی چست ءُُ ایر ءَ پہ کارمرد کنگ ءِ موہ دیگ نہ بیت۔ آئی ءَ اے گپ پنچ شمبے ءِ روچ ءَ ایوان ءِ صدر ءَ بنجاھی ’’محتسب‘‘ ءِ سپارش آنی ھلاپ ءَ جم بوتگیں دزبندی آنی گوشداری ءِ ساھت ءَ کت اَنت۔ صدر ءَ پاکستان ریلوے ءَ را پنت ءُُ شون کت کہ ریلوے کراسنگ لالہ زار کالونی جہلم شیر شاہ سوری ءِ زمانگ ءَ ڈاک/پولیس چوکی ءِ بوتگ، ایشی ءِ نزیک ءَ پاکستان ریلوے ءِ ملکیت راجدپتری ماڑی ءَ چہ چیز آنی دُزئی ءِ ھوالگ ءَ انکوئری کنگ بہ بیت۔ آئی ءَ پاکستان ریلوے ءَ را اے پنت ءُُ شون ھم کت کہ ھاسیں ماڑی آنی رکھینگ ءُُ ایشی ءِ راجدپتریں پجار ءِ مھکم دارگ ءِ واستہ سیفٹی گیٹ جنگ بہ بیت۔ آئی ءَ راجی راجدپتر ءُُ ادبی مڈی ڈویژن ءَ را پنت ءُُ شون کت کہ کوھنیں پوتینکی جاھ آنی رکھینگ ءِ واستہ ضلوری ھال ترانی رپوٹ پیش کنگ بہ بیت۔ یات دارگ بہ بیت کہ اے ھاسیں کیس ءَ شکاست کنوک ءَ راجی ماڑی ءِ پرشت ءُُ پروش ءُُ ڈُرگ ءِ الزم جتگ بوتگ۔ اے موہ ءِ سر ءَ صدر ءِ مملکت ءَ اے گپ ءِ سر ءَ زور پر دات کہ راجدپتری ماڑی آنی رکھینگ ءِ واستہ توامیں سیادی داروکیں پریک آنی کمک وھد ءِ ضلورت اِنت۔ آئی ءَ گوشت کہ راجی مڈی آنی تہ ءَ اِچ کس ءَ را سیاسی چست ءُُ ایر برجم دارگ ءِ موہ دیگ نہ بیت۔
