قومی خبر رساں ادارہ نا منیجنگ ڈائریکٹر قمراللہ چوہدری، صحافی و عملہ نا ہڑزخواہی
اسلام آباد۔ 17 جنوری (اے پی پی) قومی خبر رساں ادارہ ایسوسی ایٹڈ پریس آف پاکستان (اے پی پی) حیدر آباد تون منسلک سینئر زالبول صحافی فرحت شیخ پنچ شنبے نا سہب اتون حیدرآبا داٹی کزیت کرے۔ اونا وئی کم و ود 56سال ئس، ایماندار دمہ نا مرض اٹی مبتلا ئس و گدرینگوک آ مسہ ہفتہ آن حیدرآباد نا نجی ہسپتال اٹی دارودرمان مسکہ۔ اونا نماز جنازہ ءِ شام انا نماز آن پد صدیق اکبر مسجد تلک چرہی حیدر آباد اٹی خواننگک و اودے جہہ جاگہ کنٹونمنٹ قبرسان اٹی کننگک۔ داکان بیدس قومی خبر رساں ادارہ نا منیجنگ ڈائریکٹر قمر اللہ چوہدری، صحافی و عملہ فرحت شیخ نا کزیت آ دلی ہڑزخواہی نا درشانی ءِ کرینو۔ ایم ڈی اے پی پی ایماندار نا ادارہ کن خذمت آتا ستاءِ کرسا دعا کرے کہ اللہ تعالیٰ ایماندار ءِ جنت الفردوس اٹی جاگہ ایتے و پدسلوک آتے صبر کننگ نا توفیق عطاء فرمائفے۔ اے پی پی ہیڈ آفس اسلام آباد اٹی (پگہ) جمعہ نادے آ دیگر نانماز آن پد ایماندار نا روح انا ثواب کن دعا پاتیا کننگک۔
