اسلام آباد۔ 17 جنوری (اے پی پی) بنجائی وزیر مخدوم خسرو بختیار پارینے کہ ملک اٹی دیر انا کمتی نا ویل انا مون ءِ توننگ کن گونڈ ، نیامی و مریس وختی ڈٹ آتیا کاریم برجاءِ، حکومت ءِ دیر انا کوڑی تے ودفنگ کن بجٹ اٹی فنڈ ہم جتا کرینے، تانکہ دیر انا کوڑی تے ہلہلئی بنداو تیا جوڑ کننگ مرے۔ بنجائی وزیر پارے کہ پوسکن آ گج ڈیم ڈٹ صوبہ سندھ اٹی آبنوشی و آبپاشی ٹی کمکار جوڑ مریک ہنداخاطران ڈٹ آ حکومت سندھ اتون اواری اٹ عملدرآمد ءِ المی جوڑ کننگک، ڈٹ انا اہمیت ءِ مون آ تخسا اونا پوروی کن دمدستی گام گیج کننگے، وزارت دیری کوڑی ڈٹ انا ڈیزین و ایلو معاملہ غاتے دمدستی وڑاٹ ایسر کے۔ داخیال آتا درشانی ءِ او تدوک آ دے سی ڈی ڈبلیو پی نا دیوان آن تران کرسا کرے۔
