اسلام آباد۔ 17 جنوری (اے پی پی) اسپیکر قومی اسمبلی اسد قیصر پارینے کہ الیکشن کمیشن نا کنڈآن گچین کاری کانود 2017 ء نا سیکشن 137 نا رداٹ قومی اسمبلی نا باسک آتا رکنیت ءِ معطل کننگانے۔ او قائمہ کمیٹی یا ایوان نا کارروائی ٹی الیکشن کمیشن نا کنڈآن رکنیت بحال مننگ اسکان بشخ ہلنگ کپسہ۔ پنچ شنبے نادے آ اسپیکر قومی اسمبلی ایوان ءِ پارے کہ الیکشن کمیشن گچین کاری کانود 2017 ء نا سیکشن 137 نا ذیلی سیکشن اسہ پین گچین کاری قاعدہ 2017 ء نا شق 137 نا ذیلی قاعد ہ ون انا رداٹ 15جنوری اسکان تینا و تینا خاہوت نا میرات آتا سالانہ گوشوارہ ءِ جمع کرفپروک آ 72 قومی اسمبلی نا باسک آتا رکنیت ءِ معطل کننگانے۔ ہمو باسک آک ہراک 15جنوری اسکان دا سرجم آتے جمع کرفتنو او ایوان اٹی تینا کارہائے منصبی ءِ انجام تننگ کپسہ۔ او قائمہ کمیٹی یا ایوان نا کارروائی ٹی بشخ ہلنگ کپسہ۔ داتسکان کہ الیکشن کمیشن اوفتا رکنیت ءِ بحال کپ۔
