اسلام آباد۔ 17 جنوری (اے پی پی) وزارت خزانہ نا کنڈآن قومی اسمبلی ءِ پاننگانے کہ مالی سال 2017-18 ء ٹی ملک انا جم وڑاٹ 1652 ارب 20 کروڑ روپئی نا ریونیو دوئی مسنے۔ پنچ شنبے نادے آ قومی اسمبلی ٹی وقفہ سوج آتے ٹی آفتاب جہانگیر نا سوج انا ورندی ٹی قومی اسمبلی ءِ نوشتہی وڑاٹ پاننگانے کہ مالی سال 2017-18 ء ٹی جم وڑاٹ 1652 ارب 20 کروڑ روپئی نا ریونیو دوئی مسنے ہرافتے ٹی 608 ارب 30 کروڑ کسٹم ڈیوٹی، 815 ارب 20 کروڑ سیلز خراج، 10 ارب 40 کروڑ فیڈرل ایکسائز ڈیوٹی و 218 ارب 30 کروڑ ڈبلیو ایچ ٹی اوار ءُ۔
