اسلام آباد۔ 17 جنوری (اے پی پی) قومی اسمبلی ءِ پاننگانے کہ جہانی اقتصادی فورم نا کنڈآن جاری کروک مسابقتی ایڈیکس اٹی پاکستان 107 می نمبرآٹی ءِ۔ پنچ شنبے نادے آ وقفہ سوج آتے ٹی عبدالقادر پٹیل نا سوج انا ورندی ٹی وزیر پارلیمانی امور انجینئر علی محمد خان پارے کہ ورلڈ اکنامک فورم نا کنڈآن جہانی مسابقت انڈیکس 2018 ء آ تازہ انگا رپورٹ اٹی پاکستان نا 140 ملک آتے ٹی درجہ بندی 107ءِ، جی سی آئی ٹی کم درجہ نا سوب آتے ٹی پالیسی نزوری، خراج شرط و ضابطہ، تجدید نا ناکافی کچ، فنانس اسکان کم رسینگ، غیرموزوں بنداوی ڈھانچہ، و نظم و نسق انا ویل آک اوار ءُ۔ 2014ء ٹی دا درجہ 144 ملک آتے ٹی 129می ئس۔ حکومت درجہ بندی ٹی گچینی کن اہم گام گیج چست کرینے۔ فنانشل سسٹم 109 آن 89 درجہ غا بسنے۔ جان جوڑی نا بشخ اٹی درجہ بندی ٹی گچینی بسنے۔ ادارہ کرارکرا ر آ گچینی نا کنڈا بننگ ءُ ہرابشخ آتے ٹی تنزلی مسنے اوفتا گچینی کن کوشست کننگ اُن۔
