اسلام آباد۔ 17 جنوری (اے پی پی) صدر مملکت ڈاکٹر عارف علوی پارینے کہ ناجوڑی تا تدارک نا صوبائی ادارہ و این جی اوتے اواری اٹ کاریم کننگ نا گرج ءِ، جان جوڑی نا بابت السی آگاہی ٹی میڈیا نا کڑد بے کچ اہم ءِ۔ اوداہیت ءِ پنچ شنبے نادے آ پاکستان نیشنل ہارٹ ایسوسی ایشن نا کنڈآن تروک آ سرجم احوال اٹی پارے۔صدر مملکت پارے کہ رکھی خیالداری ءِ تینا کرسا کیہی ناجوڑی تیان بچنگ مریک۔ اوپارے کہ ہردے نا وردش و صفائی جوان انگا جان جوڑی نا ضامن ءِ ، دا عادت آتے تینا کرسا جان جوڑی نا بشخ اٹی غیر ضروری زور اٹی کمتی اتنگ مریک۔ صدر پارے کہ لیڈی ہیلتھ ورکرآتا کچ و استعداد اٹی ودکی بے کچ المی ءِ۔
