اسلام آباد۔ 16جنوری (اے پی پی) وزیراعظم نا سلاہکار موسمیاتی بدلی ملک امین اسلم تون پاکستان اٹی کینیڈا نا قونصلر ایلز بیتھ بیلڈون جونز اینو اسلام آباد اٹی اوڑدہی کرے۔ اووزیراعظم نا سلاہکار ءِ پاکستان نا کانفرنس آف پارٹیز (سی او پی) نا نائب صدر گچین مننگ آ مبارکباد پیش کرے۔ وزیراعظم نا سلاہکار اودے بہار 2019 ء شجر کاری مہم نا بابت معلومدار کرے۔ ہراٹی مچ آ ملک اٹی 15کروڑ درخت خلنگک۔ قونصلر پارے کہ کینڈا نا حکومت اسلام آباد اٹی بیگ و کپ آتے دُوارہ کاریم اٹ اتنگ نا قابل جوڑ کننگ نا ڈٹ اس بناکننگ ءِ۔ دا پروگرام نا رداٹ زالبول انٹر پرینیورز ءِ کمک تننگک۔ وزیراعظم نا سلاہکار پارے کہ وزارت موسمیاتی بدلی دا ڈٹ اٹی کمک فراوان کیک ہراڑان چاگڑد دوست پروگرام تے مون آ دننگک و زالبول کن گرین جابز انا وارخواہی ودی مریک۔ اوپارے کہ حکومت پاکستان موسمیاتی تغیرآتون مون تننگ کن گام گیج کننگ ءِ و دا چرجوئی ٹی وزیراعظم نا 10 ارب درخت آتا سونامی مہم اسہ بھاز بھلو گا م اسے وخت اس کہ مچ آ ملک اٹی کلین گرین پاکستان مہم اس ہم بناکننگانے ۔ کینیڈا نا قونصلر پارے کہ او پاکستان تون اواری اٹ کاریم کننگ نا خواہندار ءِ و اسلام آباد اٹی شجر کاری مہم اٹی بشخ ہلسا کلین گرین پاکستان نا گام گیج اٹی کمک کیک۔
