اسلام آباد۔ 16جنوری (اے پی پی) حکومت السی ویل آتا ایسر کننگ کن نیشنل ایکشن پلان اس جوڑ کننگ نا فیصلہ ءِ کرینے ہراڑکن خصوصی پارلیمانی کمیٹی اس ٹہیفنگ و اپوزیشن جماعت آتے پت اٹی ہلنگ نا بابت اسپیکر قومی اسمبلی اسد قیصر ءِ زمواری تننگانے۔ کمیٹی نیشنل ایکشن پلان اس مرتب کننگ نا بابت سلاہ و سوج مرتب کیک۔ اسپیکر قومی اسمبلی اسد قیصر مچ آ عمل نا چاروک نا وڑاٹ فرض ءِ پورو کیک۔ ذرائع نا رداٹ وزیراعظم عمران خان تعلیم، جان جوڑی ، دیر انا کاختی و کشت وکشار کون آ بشخ آتا ویل آتے ایسر کننگ کن نیشنل ایکشن پلان اس جوڑ کننگ نا فیصلہ کرینے دا چرجوئی ٹی وزیراعظم اسپیکر قومی اسمبلی اسد قیصر ءِ پارت کرینے کہ دا بابت اسہ خصوصی پارلیمانی کمیٹی اس ٹہیفنگے ہرا دا ویل آتا نیشنل ایکشن پلان اس جوڑ کننگ کن سلاہ و سوج مرتب کے۔ اسپیکر قومی اسمبلی دا کمیٹی نا سرکڑدہ مریک و نیشنل ایکشن پلان آ عملدرآمد نا چاروکیءِ کیک۔ ذرائع نا رداٹ اسپیکر قومی اسمبلی اسد قیصر ءِ پاننگانے کہ او دا چرجوئی ٹی غٹ پارلیمانی جماعت آتے ہم پت اٹی ہلے۔ پارلیمانی کمیٹی قومی ایکشن پلان اٹی غٹ جماعت آتے اوار کننگک و کمیٹی تینا رپورٹ ءِ پارلیمنٹ اٹی پیش کیک۔ دا چرجوئی ٹی سمندر پار پاکستانی تیان ہم سلاہ ہلنگک۔
