اسلام آباد۔ 16جنوری (اے پی پی) بنجائی وزیر ریلوے شیخ رشید احمد پارینے کہ حکومت اولیکو سد دے اٹی 20 پوسکن ءُ ٹرین درستی راستی کرفینے، 22 جنوری اسکان ریلوے نا غٹ ٹکٹ آک داوخت آ بہامسنو، پاکستان ریلوے تون ساڑی 460 انجن آن 140 جوڑ کننگ نا قابل افس، شاری بزرگ، طالب علم و معذور بندغ آتے ریلوے ٹی سفر کننگ کن خصوصی رعایت تننگ انگ ءِ۔ چارشنبے نادے آ قومی اسمبلی ٹی وقفہ سوج آتے ٹی طاہرہ اورنگزیب نا سوج انا ورندی ٹی بنجائی وزیر ریلوے شیخ رشید احمد پارے کہ 22جنوری اسکان ریلوے نا غٹ ٹکٹ آک بہا مسنو۔ پاکستان ریلوے 75سال و اوکان زیات وئی نا بزرگ شاری تے مفت سفر کننگ نا آسراتی تننگ ءِ۔ طالب علم، معذور آتون سفر کروک آتے، 65سال آن زیات وئی نا مسافر آتے ریلوے ٹی رعایت تننگک۔
