اسلام آباد۔ 16جنوری (اے پی پی) وزیر مملکت موسمیاتی بدلی زرتاج گل پارینے کہ اپوزیشن چائے اخس کہ شور کے حکومت کس اسے این آر او تفک ، کانود آن ہچ کس ایڑتر اف، چیف جسٹس نا ڈیم فنڈ و ڈیم جوڑ کننگ نا بت مہم ءِ قوم قدر انا نظر اٹ ہرک۔ چارشنبے نادے آ پارلیمنٹ ہاؤس نا پیشن میڈیا تون گپ و ترا ن کرسا وزیر مملکت پارے کہ قوم چیف جسٹس ثاقب نثار نا ڈیم فنڈ اٹی زیات آن زیات بشخ ہلنگ ءُ وخت اس کہ ڈیم جوڑ کننگ نا بابت فیصلہ ءِ قوم قدر نا نظر اٹ ہرک۔ اوتینا دور اٹی ہراوڑنا فیصلہ کرے اوفتیان عدالت نا پت ودانے۔ وزیر مملکت پارے کہ چیف جسٹس تحریک انصاف نا مسکوہی سیکرٹری جنرل جہانگیر ترین نا برخلاف فیصلہ تس نن ہمو فیصلہ غا عمل کرین۔ کانود آن ہچ کس ایڑتر اف۔ زرتاج گل پارے کہ اپوزیشن وڈی خوری ءِ ڈکنگ کن اسٹ مننگ ءُ داڑآن ہچ ءُ پرخ اس تمپک اخس کہ چائے شور کیر ہچ کس ءِ ملک آن پیشن مننگ کن ہلنگ پننگک۔ کس اسے تون ڈیل مفک ہچ وڑنا این آر او ملپک۔ کرپٹ مافیا غا شاغانن۔ اوپارے کہ ملک اٹی احتساب نا عمل برجاءِ۔ کرپٹ مافیا نا سخت احتساب ءِ کننگ انگ ءِ۔ ہر اسٹ ءِ مقدمہ غاتون مون تروئی ءِ۔ اسہ سوج اسے نا ورندی ٹی اوپارے کہ ضمنی بجٹ اٹی زرکار خلقت آ خراج خلنگک۔ نیزگار الس آ دانابھاریم ءِ بٹنگ پننگک۔
