اسلام آباد۔ 16جنوری (اے پی پی) خیبر پختونخوا نا علاقہ حویلیاں ٹی پاک چین اقتصادی راہداری نا روٹ آ ڈرائی پورٹ ڈٹ آ باضابطہ کاریم ایم ایل ون اتون بناکیک۔ دا جاگہ خنجراب اٹی پاک چین سیم آن کم و ود 680 کلومیٹر نا فاصلہ غاٹی ءِ۔ داڈٹ آ کم و ود 40 ملین ڈالر خڑچ بریک۔ سی پیک سیکرٹریٹ نا کمامدارآک ’’اے پی پی‘‘ ءِ پاریر کہ ڈرائی پورٹ نا جوڑ کننگ کن ڈٹ انا قابل عمل مننگ نا رپورٹ ءِ پورو کننگانے۔ چین ڈرائی پورٹ انا جوڑ کننگ کن مالی و تکنیکی کمکاری فراوان کننگ آ رضامندی ظاہر کرینے۔ پاک چین اقتصادی راہداری نا روٹ آ کنٹینر ائیزڈ کارگو نا طلب نا رداٹ حویلیاں ڈرائی پورٹ ءِ کلیدی ءُ حیثیت اس دوئی ءِ۔ ڈٹ انا رداٹ ضلع ہری پور اٹی حویلیاں نا جاگہ غا جوڑ کروک آ خشگ گودی ٹی کورگو ہینڈلنگ نا پوسکن ءُ آسراتی تننگک، داگودی ءِ ریلوے تون منسلک کننگک، داوخت حویلیاں اسکان پاکستان ریلوے نا پٹڑی ارے ، داجاگہ خنجراب اٹی پاک چین سیم آن کم و ود 680 کلومیٹر نا فاصلہ غاٹی ءِ۔
