کراچی۔ 15 جنوری (اے پی پی) بنجائی وزیر اطلاعات و نشریات چوہدری فواد حسین پارینے کہ ہرانا نک نزور مریر او ایہن لڑزک ، ہر ہمو بندغ ہراٹی سندھ انا الس کن دڑد ارے چائے او ہراپارٹی آن تعلق تخے، او بدلی خواہک، پیپلزپارٹی نا سنجیدہ انگا بندغ آک ہم بدلی خوارہ، نن تون تینٹ سندھ اٹی پیپلزپارٹی نا باسک آک رابطہ کرینو و او پاننگ ءُ کہ نم بدلی کن مون آ ببو، بدلی نا سفر بناکرینے ، نن خوانہ کہ پیپلزپارٹی تینٹ بدلی اس اتے برے ، مراد علی شاہ استیفہ ایتے، پوسکن ءُ وزیراعلیٰ اس اتے ، نن اودے اول موقع تننگ خوانہ، اگہ دا موقع غان فائدہ ہرفک و مراد علی شاہ استیفہ تفک تو المی وڑاٹ ننے داڑے عملی گام گیج کروئی تمک و سندھ اٹی پیپلزپارٹی نا پبی گیشتری ننتون تفک، بدلی نا ہمو لہر ہرا دے ایلو 3صوبہ غاک خنانو، سندھ انا ہم حق ءِ کہ او دا بدلی نا بشخ جوڑ مرے، ناصر حسین شاہ وزارت اعلیٰ نا اہم اومیتدار ءِ اونا بارواٹی نن ہچ اس پاننگ افن ، پاپا و پھوپھی سندھ ءِ یرغمال کرینو، ہراتم اومنی گروپ والاک چراغ ءِ رگڑائی ایترہ تو مراد علی شاہ اوفتا مون آ ساڑی مرسا پاہک کہ کنکن انت پرمان اسے کنا آقا، رضاربانی کیہی سال آن سینیٹر ءِ او داڑے غٹ آن بھلا مزور راہشون جوڑ مریک ، او بزنس کلاس اٹی سفر کیک، اونا تینا استحقاق اس اف، ولے او منسٹر ز کالونی ٹی رہینگ انگ ءِ ، فاٹا پرعزم ئس اوڑکن این ایف سی ایوارڈ اٹی غٹ صوبہ غاک بشخ شاغرہ ، بیرہ اسہ صوبہ سندھ بشخ شاغنگ اٹی اف، سے شنبے نادے آ داڑے میڈیا تون گپ و تران کرسا بنجائی وزیر اطلاعات و نشریات چوہدری فواد حسین پارے کہ چائے نم ہچ اس کپبو ہرانا نک نزور مریر او ایہن لڑزک ، نن گدرینگوک آ 11 سال آن خنانن کہ ہراوخت آن مراد علی شاہ سندھ انا وزیر خزانہ و وزیراعلیٰ ءِ چائے تعلیم مرے، جان جوڑی مرے یا پین معاملہ اس مرے غٹ بشخ آتے ٹی سندھ مچ آ پاکستان آن پدی رہینگانے۔ اوپارے کہ مرا دعلی شاہ تینا حلقہ غاکائے حالیت آتے ہرے ہموڑے ڈاکٹر اف، نرس اف، اسکول ارے تو ٹیچر اف، ٹیچر ارے تو فرنیچر اف، ڈاکٹر ارے تو دوائی اف، لاڑکانہ ٹی 117 ارب روپئی ناپیکج خڑچ مس ، درو سوشل میڈیا غا وڈیو اس بسکہ ہراٹی امام مسجد شاعری کرسا بلاول ءِ پاننگ ءِ کہ داڑے دیر کشفنگ کن بست و بند اس کے۔ چوہدری فواد حسین پارے کہ بلاول ءِ تو چیف جسٹس پارینے کہ او چناسے و چناتو نمے سماءِ غیر سیاسی مریک، اوپارے کہ اسہ جادو نا چراغ اسے و سندھ انا حکمران تے ٹی اسہ ہندن ءُ جادو اس ارے او اُف کیرہ تو الس نا پیسہ غاک لندن و دوبئی ٹی پیش تمرہ۔ مراد علی شاہ نا استیفہ نا خواست ءِ نن داخاطران کینہ کہ دراصل ہمو چراغ ہرادے رگڑائی آن اومنی گروپ نا مچ آ کاریم مسرہ اونا جن مراد علی شاہ ءِ۔ اسہ سوج اسے نا ورندی ٹی اوپارے کہ وزیراعظم عمران خان آ ہراکیس ءِ ، ای ہنداتو پاوہ کہ 27 لکھ روپئی نا کیس ءِ نیب جوڑ کرینے ہرانا ہچ ءُ بنداو اس اف، نیب ءِ نئے بیرہ کیس ءِ پدی ہلوئی مرے بلکن وزیراعظم آن بشخنداری ہم بایدے کروئی مرے۔ اسہ سوج اسے نا ورندی ٹی ناصر حسین شاہ پارے کہ پی ٹی آئی میٹرواسٹیشن اس جوڑ کرسا تفننگ ءِ، وزیراطلاعات پارے کہ ناصر حسین شاہ وزارت اعلیٰ نا اہم اومیتدار ءِ اونا بارواٹی نن ہچ پاننگ افن۔
