اسلام آباد۔ 15جنوری (اے پی پی) وزیراعظم عمران خان شوکت خانم کینسر میموریل ہسپتال کن عطیہ تروک آتا منت واری ءِ ہرفے ہراک سال 2018 ء کن ہسپتال نا مالیاتی ہدف آتا دوئی کننگ اٹ کمک کریر ۔ سے شنبے نادے آ تینا ٹویٹ اٹی وزیراعظم دا پت انا درشانی ءِ کرے کہ عطیہ تروک آ بندغ آک پاکستان اٹی کینسر نا نیزگار مریض آتا زند ءِ بچفنگ نا مشن …
وزیراعظم عمران خان ناشوکت خانم کینسر میموریل ہسپتال کن عطیہ تروک آتا منت واری ءِ ہرفے
گیشتریں ھال
اسلام آباد۔ 15جنوری (اے پی پی) وزیراعظم عمران خان شوکت خانم کینسر میموریل ہسپتال کن عطیہ تروک آتا منت واری ءِ ہرفے ہراک سال 2018 ء کن ہسپتال نا مالیاتی ہدف آتا دوئی کننگ اٹ کمک کریر ۔ سے شنبے نادے آ تینا ٹویٹ اٹی وزیراعظم دا پت انا درشانی ءِ کرے کہ عطیہ تروک آ بندغ آک پاکستان اٹی کینسر نا نیزگار مریض آتا زند ءِ بچفنگ نا مشن اٹی تینا کمکاری ءِ برجاتخرہ ہرا کہ درمان نا خڑچ آتے سگنگ کپسہ۔ اوپارے کہ شوکت خانم کینسر میموریل ہسپتال نا سال 2019 ء نا ہدف 13ارب روپئی (20 ملین ڈالر) ءِ ہرافتیان نیمہ الس نا عطیہ غاتیان پورو کننگرہ۔ وزیراعظم پارے کہ گدرینگوک آ سال تے ٹی انسانیت نا بھلائی آ کنا یخین اٹی نمان ودکی مسنے۔ اوپارے کہ شوکت خانم ہسپتال عطیہ تروک آتا نیکی و فراخدلی نا زندہ ءُ مثال اسے۔
