کراچی ۔ 15جنوری (اے پی پی) بنجائی وزیر اطلاعات ونشریات فواد حسین چوہدری پارینے کہ حکومت نا صحافی تا رکھ اکن قومی اسمبلی ٹی بل اس پیش کننگ نا ارادہ ءِ، پوسکن آ کانود سازی خیبر پختونخوا ٹی نافذ مروک آ کانودسازی آنبار مریک۔ داخیال آتا درشانی ءِ او سے شنبے نا دے آ سینٹر فار ایکسیلنس ان جرنلزم آئی بی اے و سینٹر فار کمیونیکیشن پروگرامز پاکستان نا صحافی تے کن مسٹ می ’’لب آزاد‘‘ جرنلزم ایوارڈ 2018 ء نا دود اٹی کرے۔ داایوارڈ کن مچ آ ملک انا صحافیک یکم جولائی 2017 ء آن 15جنوری 2019 ء اسکان شینک مروک آ تینااسٹوری تے جمع کرفیسر ۔ سالانہ انڈیپنڈنٹ ایوارڈ نا مسخت انسانی حق خاص وڑاٹ ہمو ویل آتا بارواٹی رپورٹنگ ہرا راج اناگوجالوک و پسماندہ تپہ ءِ زہمی کیک،ءِ تالان کننگ و مون آ دروئی ءِ۔ دا ایوارڈ ز پرنٹ و الیکٹرانک میڈیا نا ہمو صحافی تے ٹی بشخ وپانٹ کننگار ہرافک دا غیر معمولی کہانی تا کمک اٹ راج ءِ غٹ آن زیات متاثر کروک آ ویل آتے تالان کریر۔ دود انا مہمان خاص بنجائی وزیر اطلاعات ونشریات پارے کہ او تینا وزارت اٹی اصلاحات اتنگ ءِ۔ اوسینٹر فار ایکسیلنس ناکوشست آتا ستاءِ کرساپارے کہ اودے داڑے برسا بھاز خوشی مسنے۔
