مودی نا سری نگر نا دورہ کشمیری تا ٹھپ آتیا بے شاغنگ نا مترادف ءِ، وزیراعظم آزاد کشمیر

اسلام آباد۔ 15جنوری (اے پی پی) وزیراعظم آزاد کشمیر راجہ فاروق حیدر خان پارینے کہ بھارتی وزیراعظم مودی نا سری نگر نا دورہ کشمیری تا ٹھپ آتیا بے شاغنگ نا مترادف ءِ ، مودی کشمیری تا خونی ءِ، مودی نا بننگ آ مقبوضہ کشمیر ءِ فوجی چھاؤنی اس جوڑ کرینو۔ تدوک آ دے تینا جاری بیان اٹی وزیراعظم آزاد کشمیر پارے کہ کشمیری الس بھارتی وزیراعظم مودی نا دورہ ءِ مسترد کیرہ، مودی نا دوراٹی کشمیری تا جنازہ غاتیا سم کاری کون آ واقعہ غاک انسانیت ءِ شرمیفینو۔ پیلٹ گن نا بے دریغ کاریم اٹ اتنگ مودی حکومت نا مون ءُ کارنامہ اسے، مودی نا بننگ آ مقبوضہ کشمیر ءِ فوجی چھاؤنی اس جوڑ کننگانے۔ حریت سرکڑدہ غاتا خواست آ مچ آ مقبوضہ کشمیر اٹی پورو ہڑتال ءِ۔