اسلام آباد۔ 15جنوری (اے پی پی) وزیراعظم عمران خان پارینے کہ پارلیمان آ الس نا خراج آتیان ارب آ روپئی خڑچ ہرفنگک، حزب اختلاف نا قومی اسمبلی آن اسہ وار ولدا واک آؤٹ ظاہر کیک کہ شاید ہندا کاریم ءِ ہرادے اوفتے کروئی ءِ ، دا این آر او نا دوئی کننگ ءُ و نیب انا مقدمہ غاتیان جان ءِ چٹفنگ کن چمبازی کننگ ءُ ۔ سے شنبے نادے آ تینا ٹویٹ آتے ٹی وزیراعظم پارے کہ پارلیمان ہراڑا الس نا خراج آتیان سالانہ ارب آ روپئی خڑچ ہرفنگک ، نا ایوان اٹی (قومی اسمبلی )آن حزب اختلاف نا اسہ وار ولدا واک آؤٹ ظاہر کیک کہ شاید ہندا اسہ کاریم اسے ہرادے اوفتے کروئی ءِ۔ دا این آر او نا دوئی کننگ و نیب انا مقدمہ غاک ہرافتے پی ٹی آئی قائم کتنے، آن جان ءِ چٹفنگ کن چمبازی کننگ ءُ۔ وزیراعظم پارے کہ مگے جمہوریت گچین مروک آ سیاسی سرکڑدہ غاتے وڈی خوری و لٹ وپل نا وارخواہی یا کسر تننگ کن مریک ؟ اوپارے کہ ہندن لگک کہ اوفتا خڑک ہرا بندغ الس آن وونٹ ہلسا گچین مرے اودے قومی خزانہ غا داڑیلی نا لیسن ملک۔
