اسلام آباد۔ 15جنوری (اے پی پی) بنجائی وزیر مذہبی امور ڈاکٹر نور الحق قادری ملک انا ورنا چین آ زور شاغانے کہ تینا کاریم اٹی مشغول مننگ تون اوار اوار تینا رب ءِ یات کیر، اللہ تعالیٰ ءِ راضی کننگ نا جوان انگا وڑ اللہ نا مخلوق آ رحم کننگ اٹی ءِ۔ سے شنبے نادے آ شاہ رکن عالم کانفرنس آن تران کرسا اوپارے کہ انسان ہراتم اللہ نا ذکر ءِ کیک تو اسہ وخت اس ہندن ءُ بریک کہ خلقت اونا ذکر ءِ کیک و او مذکور مریک۔ صوفی ازم آن انسانیت ناخذمت نا سبخ ملک انتئے کہ اللہ ءِ راضی کننگ نا گچین انگا وڑ اللہ نا مخلوق آ رحم کننگ اٹی ءِ۔ اوپارے کہ طالب علم آتون داپاننگ خواوہ کہ تینا کاریم اٹی ضرور مشغول مریر ولے اوڑتون اوار اوار تینا رب ءِ ہم یات کیر۔ اوپارے کہ صوفی انسانی حق آتیان زیات خدا نا مخلوق نا ہیت ءِ کیرہ۔
